مراٹھواڑہ یونیورسٹی
جامعہ میں پروفیسر محمد میاں کو اس مرکز کا اعزازی ڈائرکٹر مقرر کیا گیا تھا ۔ اس مرکز نے مسلم انتظامیہ اسکولوں کے اساتذہ کے لیے برسر روزگار اساتذہ کے تعلیمی پروگرام کا انتظام کیا۔مرکز نے سائنس ، ریاضی اور زبان(انگریزی اور اردو دونوں) اساتذہ کے لیے تربیتی مواد تیا ر کیا ۔ جامعہ ملیہ ان دومراکز میں شامل تھا جہاں ان مقاصد کی تکمیل کی گئی ۔
(iii)ڈاکٹر ذاکر حسین میموریل ویلفیر سوسائٹی ، نئی دہلی :
یہ ایک رضاکار تنظیم ہے جسے اس بات کا اعزاز حاصل ہے کہ جامعہ ملیہ اسلامیہ نئی دہلی کے وائس چانسلر ، بہ اعتبار عہدہ سوسائٹی کے صدر ہوتے ہیں ۔سوسائٹی، پسماندہ طبقات کو تعلیم اور تربیت کی فراہمی کے ذریعہ ان کی ترقی کے لیے سرگرداں ہے۔سوسائٹی کے تحت 4 ابتدائی یونٹ بنام i. رہنمائی اطفال مرکز .ii مرکز ہنر .iii خواتین کے لیے مختصر کورس کا مرکز .iv ابتدائیہ، کارکرد ہیں پروفیسر محمد میاں کی قیادت میں سوسائٹی نے ایچ پی ایس سوشل ویلفیر فاﺅنڈیشن کی مالی اعانت کے ذریعہ سماجی خدمت کی ایک نئی جہت کا اضافہ کیا ۔
(iv)فاصلاتی پروگرام (DPEP IGNOU) اس پروجیکٹ کے تحت ابتدائی سطح پر اساتذہ کی تربیت کے لیے ایسی ریاستو ں کو جہاں DPEP پروگرام جاری تھا ، Multi Media تعاون فراہم کیا گیا ۔
(v)مرکز برائے فاصلاتی و اوپن لرننگ:
یوجی سی کے دسویں دستاویز منصوبہ میں دیگر شعبوں کے علاوہ فاصلاتی تعلیم پر توجہ دی گئی ۔ دستاویز میں کہا گیا کہ کیمپس پر مبنی جامعات ، فاصلاتی ذریعہ سے تعلیم کی فراہمی کا بیڑا اُٹھائیں گی جس کے ذریعہ آبادی کا ایک بڑا طبقہ تعلیم سے استفادہ کر سکتا ہے ۔ مرکز کے اعزازی ڈائرکٹر کے طور پر پروفیسر محمد میاں نے کورسس کا کافی مواد تیار کیا ۔ 2003-04ءمیں بی ایڈ اور برقی پیداوار میں ڈپلوما کا آغاز کیا ۔ مرکز فی الحال 10 پروگرام چلا رہا ہے جن میں سے 7 پروگرام پیشہ وارانہ تیاری پر مبنی ہیں۔
(vi) اکیڈمی برائے پیشہ وارانہ فروغ اردو میڈیم اساتذہ:
وزارتِ فروغ انسانی وسائل نے اردو میڈیم کے ذریعہ معیاری تدریس کے فروغ کے لیے اس مرکز کا قیام عمل میں لایا ۔ پروفیسر محمد میاں نے دسمبر 2006ءمیں جامعہ میں مرکز کے پہلے ڈائرکٹر کی حیثیت سے خدمات کا آغاز کیا ۔ انھوں نے ابتدائی اور ثانوی اسکول کے اساتذہ کے لیے کئی تربیتی پروگرام کیے جہاں 3ہفتوں کے پروگرام 2مراحل میں منعقد کیے جاتے تھے
دیگر معلومات
-
ملک کی مختلف جامعات میں تعلیمی فیصلہ ساز مجالس کی رکنیت /بشمول DEC اور IGNOU
-
انڈین ایسوسی ایشن آف ٹیچر ایجوکیٹرس ، کمپیریٹیو ایجوکیشن سوسائٹی آف انڈیا، آل انڈیا اسوسیشن آف
ایجوکیشنل ریسرچ جیسی پیشہ ور تنظیموں کی رکنیت / عہدیدار
(پروفیسر محمد میاں )